Lýsing
Lýsing
Lýsing
Sitandi frá vinstru til høgru: Jóhan Christiansen, borgarstjóri í Eysturkommunu, Hanna Jensen, landsstýriskvinna, og Sonni á Horni, borgarstjóri í Fuglafjarðar kommunu. Standandi aftanfyri frá vinstru: Hans Mourits Foldbo, formaður í Mentanarnevndini í Eysturkommunu og Ólavur Larsen, formaður í Mentamálanevndini í Fuglafjarðar kommunu.

Sáttmáli um nýskipað skúlasamstarv góðkendur!

SKRIVAÐ: Tíðindaskriv  |  13.07.2019 - 12:36 Mentan Tíðindaskriv

11. juli 2019, góðkendi landsstýriskvinnan í útbúgvingar- og granskingarmálum sáttmála millum Eysturkommunu og Fuglafjarðar kommunu um skúlasamstarv.

Talan er um eitt drúgt mál, sum nú er endaliga góðkent. Skúlasamstarvið byggir á søguliga samstarvið millum Leirvík, Gøtu og Fuglafjørð um framhaldsdeild, sum byrjaði líðandi stutt eftir 1960.

Fleiri ferðir gjøgnum umleið 60 ára longu søguna hava ætlanir verið um at staðfesta samstarvið betri og seta nýggj mál, men ikki fyrrenn í 2019 er hetta vorðið veruleiki.

Nýggja samstarvsavtalan, sum býráðini heilt ítøkiliga hava arbeitt við síðani í 2015, tekur støði í ynskinum um eitt mennandi og meira umfatandi samstarv um skúlatilboð til ung í økinum. Grundstøðið er javnbjóðis ávirkan og ábyrgd, og er ein nýggjur samstarvsháttur millum kommunur, sum kravdi lógarbroyting, so at samstarvið kann vera á øllum stigum: í skúlastýrinum fyri Fuglafjarðar skúla, har Eysturkommuna fær annað av býráðsumboðunum, í nýggjum formligum stýri at reka skúlasamstarvið, sum borgarstjórarnir báðir eins og ein býráðslimur afturat frá hvørjari kommunu manna, umframt at foreldur í Eysturkommunu velja eitt foreldraumboð í skúlastýrið í Fuglafjarðar skúla. Hesir samstarvspallar koma afturat tí veruleika, at býráðini og mentanarnevndirnar regluliga hittast at umrøða mál av felags áhuga.

Nú seinastu forðingarnar vórðu beindar burtur við broytingini í lóg um fólkaskúla, sum Hanna Jensen bar í Løgtingið í vár, fegnaðist landsstýriskvinnan um høvið at góðkenna samstarvsavtaluna, sum hon frammanundan kennir væl og áður hevur arbeitt nógv við sum býráðslimur og forkvinna í mentanarnevndini í Eysturkommunu.

 

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum