Nevið Reyða vann og varðveitti FM-møguleikan
Tað var trýst á Nevinum Reyða undan dagsins róðri, men tað eydnaðist at vinna greiðan sigur og varðveita FM-møguleikan.
Nevið Reyða vann tveir teir fyrstu róðrarnar í ár, áðrenn Argjabáturin svaraði aftur og vann teir tríggjar næstu. Tískil skuldi Nevið Reyða vinna í dag, um vit skuldu fáa eina FM-finalu á ólavsøku.
Fram til endaspurtin var talan um sera spennandi róður millum Argjabátin og Nevið Reyða. Teir skiftust um at vera frammanfyri. Men tá vit komu til endaspurtin, so fór Nevið Reyða langt framum og vann við einari heilari bátslongd.
Hetta merkir, at báðir bátarnir hava vunnið tríggjar róðrar í part og tí fáa við FM-finaluna á ólavsøku, har vinnarin eisini fer avstað við FM-heitinum. Róðurin í dag kann síggjast HER
Myndir: KVF (skýggjamyndir)