Lýsing
Lýsing
Lýsing
Lýsing

Húsarhaldsskúli Føroya fingið tilsøgn

SKRIVAÐ: Tíðindaskriv  |  19.07.2019 - 20:06 Mentan Tíðindaskriv

Fyrr í mánaðinum var landsstýriskvinnan, Hanna Jensen, saman við fólki út Mentamálaráðnum, í Klaksvík á fundi við fólk frá Húsarhaldsskúla Føroya og Klaksvíkar Kommunu um verkætlanina at byggja nýggjan Húsarhaldsskúla í býnum. Fundast varð um fyriliggjandi skipanaruppskotið, og tær fortreytir, sum skulu vera í lagi, fyri at uppskotið kann góðkennast, umframt um alla tilgongdina fram ímóti byggingini.

Landsstýriskvinnan bar í vár tinginum uppskot til løgtingslóg um studningslán til at byggja nýggjan húsarhaldsskúla, áljóðandi 21 mió. Lógin varð samtykt í løgtinginum, hin 3.mai. Síðani er málið

fyrireikað nærri. Klaksvíkar kommuna fíggjar ein part av skúlabyggingini saman við landinum, og Bústaðir fíggjar búeindina.

Skipanaruppskotið frá nov. 2018 er ein snøgg loysn, sum er staðsett í miðbýnum í Klaksvík, og sum fer at geva Húsarhaldsskúla Føroya munandi betri, størri og tíðarhóskandi hølir, sum verða bygd júst til kjarnuvirksemi skúlans: praktisk matgerð, føðslulæra, orkurokning, kostsamanseting, brúkaralæra og reinføri, seyming, leður- og skinnarbeiði, brodering og føroysk bond.

Harafturat bæði fiska og hagreiða næmingar, eins og fletta og taka upp slakt, taka upp epli og læra annað siðbundið føroyskt.

Verkætlanir, samfelagsfrøði og trygdarskeið krydda eitt sera fjølbroytt og praktiskt skúlatilboð, sum tekur støði í modernaða føroyska samfelagnum.

Rúm verður fyri 35 næmingum í mun til 21, sum í dag rúmast á húsarhaldsskeiðnum, sum er 26 vikur og liggur frá august til februar.

Umframt hevur skúlin ein hóp av øðrum styttri og longri skeiðum innan matvørureinføri, seyming og brodering til føroyska búnan, matgerð fyri foreldur og børn o.a. Hesin parturin av virksemi skúlans fær eisini munandi betri rásarúm við nýggja bygninginum og kann verða víðkaður.

- Fundurin var sera góður. Vit komu greitt ígjøgnum allar tættirnar, og niðurstøðan var, at nú kundi Mentamálaráðið fyrireika góðkenning grundaða á skipanaruppskotið og síðani biðja um tær upplýsingar, sum skulu fyriliggja, fyri at farast kann í gongd við at projektera, sigur Hanna Jensen, landsstýriskvinna í útbúgvingar- og granskingarmálum.

Týsdagin 16.juli fekk Húsarhaldsskúlai Føroya so tilsagnarskrivið, sum heimilar, at tey, við ávísum treytum, kunnu byrja projekteringina sambært skipanaruppskotinum frá 27.november 2018.

Húsarhaldsskúli Føroya fyllir 45 ár í ár, og er ein sjálvsognarstovnur, sum eldsálir og framskygd fólk í Klaksvík settu á stovn í 1974, tí ov lítið av skúla - og skeiðstulboðum vóru í Føroyum, og mangar leitaðu sær uttanlands til m.a. húsarhaldsskúla.

- Tað er ein heiður fyri meg at kunna seta skúlabyggingina á breddan í hesum fagnaðarári skúlans, har vit eisini hava sett okkum fyri at hyggja nærri at øðrum viðurskiftum hjá skúlanum, so vit tryggja honum javngóð kor millum skúlar í Føroyum. Rótfesta innihaldið er er enn sera viðkomandi fyri føroyskan ungdóm, eins og styttru skeiðini eru eitt kveikjandi og kreativt íkast fyri luttakararnar, sigur Hanna Jensen at enda.

Lýsing
Seinastu tíðindini
Fyndin er komin!
Havnar Arbeiðara­felag heitur á arbeiðsge…
Bátarnir í bólki 5B sleppa aftur til útr…
Hanus: Næraberg og Norðborg ikki sambæri…
SMJ ein fyritøka, ið hevur sæð møguleika…
Skoytubreytin letur upp leygar­dagin kl.…
KÍ sett 1.deildarvenjara
Heilsuhjálparar lokið prógv
ÍF ætlar at taka seg saman
Vil fáa lív í býin
Sjóhitin veitir kulda til skoytubreyt­ina…
Navnakapping
Vinkonur hugna sær á Norđurjól
Jóla­trø­ini í Kalsoynni tendra í kvøld
Útróðrarmenn í dýrastu neyð
Deildar­stjó­rin á Vørn: Tað er munur á Næ…
Mjølnir vunnu oddadystin
Diamant­brúdleyp - Edith og Páll
Uppskot til “Ársins Rósu”
Víkingur hevur skift nakað út
Lýsing