Video: Samandráttur av KÍ – Riteriai
Norðlýsið hevur fingið aftur á longri samandrátti av søguliga Europa League dystinum hjá KÍ á Svangaskarði móti Riteriai úr Litava, tá KÍ á fyrsta sinni í søgu felagsins kom víðari tvær ferðir sama kappingarár.
Tað er Ólavur Wolles, sum hevur sett saman og tikið upp. Heðin Arge og Jóan Pauli Jacobsen søgdu frá dystinum á Televarpinum, meðan vit eisini síggja myndir og samrøðu frá portal.fo, har Sverri Egholm og Agnar Prestá stóðu fyri arbeiðnum. Vit síggja málmøguleikar og eisini sera løgnu hendingina, tá dómarin, Yaroslav Kozyk úr Ukraina, fyrst gevur Riteriai leikara, sum frammanundan hevði eitt gult kort, gult kort fyri sjónleik fyri síðani at broyta dómin heilt og geva KÍ-leikara gult kort, sum als ikki er í nærheitini av hendingini. Til endans síggja vit løtuna eftir dystin, tá KÍ-hópur, leiðsla og viðhaldsfólk fegnaðust.
Norðlýsið hevur skipað fyri, at samandrátturin er komin á youtube, har hann liggur saman við øðrum søguligum KÍ-tilfari.