Lýsing
Lýsing

Gudny Langgaard verður nýggjur stjóri í Nema|Hey

SKRIVAÐ: Tíðindaskriv  |  02.08.2019 - 15:34 Tíðindaskriv Vinna

Nevndin í Nema|Hey boðar í dag frá, at Gudny Langgaard verður nýggjur stjóri í felagnum.

Gudny Langgard kemur úr starvi sum stjóri á Vága Floghavn, sum hon hevur røkt síðani 2018. Gudny hevur áður verið stjóri á Hey, tá undir navninum Vodafone Føroyar, í 5 ár fram til 2016, og undan tí var hon sølu- og marknaðarstjóri í felagnum í 2 ár.

Nevndin í Nema|Hey fegnast um, at felagið fær ein stjóra við drúgvum leiðsluroyndum og kunnleika til virkisøkini hjá felagnum.

“Við Gudny fær Nema|Hey ein dugnaligan og arbeiðssaman stjóra, sum hevur víst í verki at hon kann skapa góð úrslit og nøgdsemi millum kundar og starvsfólk. Vit eru í eini spennandi tíð har KT og samskiftistænastur renna saman, og Nema|Hey er í einari lyklastøðu at ganga á odda í tøkniligu menningini av Føroyum komandi árini. Gudny hevur drúgvar royndir í okkara vinnu og kennir marknaðin væl”, sigur Rúnar Reistrup, nevndarformaður í Nema|Hey.

”Nema|Hey er ein spennandi og kappingarfør fyritøka. Uppgávurnar eru nógvar, men í fyrsta umfari, verður mítt mál at geva føroyska marknaðinum fult gagn av at fyritøkurnar nú eru samanlagdar, og annars at áhaldandi betra um úrslitið og menna fyritøkuna. Eg síggi stórar møguleikar í samanleggingini, ið er farin fram, og eg gleði meg til uppgávuna, sum skal lyftast saman við dugnaligu starvsfólkunum í felagnum, sigur Gudny Langgaard, komandi stjóri á Nema|Hey.

Umleið 75 fólk starvast á Nema|Hey.

Gudny Langgaard byrjar í stjórastarvinum miðjan August.

Lýsing
Seinastu tíðindini
Sjálvstýri savnaði enn einaferð eini 600…
Valfundur á Fossanesi í kvøld
§ 7c, stk. 1
KÍ fekk stigini í linligum dysti
Góð fótbóltslíkindi í dag
Lærlingar ongan landsskatt
Upptakt: EB/­Streymur-KÍ
Aftur á slóðina
Sjálvstýri: 600-700 fólk til familjutilt…
68%
Javnaðar­flokku­rin: Valkafé í Spania­stovu
Tað demensvinarliga samfelagið – ella hv…
Líðhamar roktúr í dag
Enn ein lítil fitt søga
Hendan lands­stýrissamgongan hevur gjørt…
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…