Lýsing
Lýsing

32 konsertir á trimum pallum

SKRIVAÐ: Tíðindaskriv  |  07.08.2019 - 17:34 Mentan Tíðindaskriv

Summar Festivalurin byrjar hósdagin og heldur fram til leygardagin

Ársins Summar Festivalur bjóðar 32 konsertir á trimum pallum í tríggjar dagar. Harafturat verður eisini undirhald og tónleikur at uppliva í Silvalandi og á tjaldplássinum.

Summar Festivalurin byrjar hósdagin og heldur fram til leygardagin. Tríggir pallar eru á sjálvum festivaløkinum – stóri pallur á Vágsbø, Tjaldið og Torgið.

Fyrsta konsertin verður í Tjaldinum hóskvøldið kl. 19.00, tá ið unga songkvinnan Victoria á Lakjuni fær høvi at seta festivalin í gongd. Síðani spæla útlendskir og føroyskir bólkar konsertir av ymiskum slagi á teimum trimum pallunum.

Hesaferð koma sjey artistar úr útlandinum. Tað eru Rasmus Seebach, Nico & Vinz, Chris Norman, Killer Queen, Kongkamerat, Elona Planman og Ola Nordskar. Afturat teimum standa 25 føroyskir bólkar og solistar á skránni – teirra millum eru Marius Ziska, Lea Kampmann, Swangah, Samsint, Hamradun, Magni Christiansen, Herborg Torkilsdóttir og Dynamit Perlur.

Umframt høvuðspallarnar verða eisini framførslur í Silvalandi – eitt nú við við Trølla-Pæturi og við yngri sangarum. Og á tjaldplássinum fara plátuvendarar at diska.

 

Hetta er 16. ferðin, at Summar Festivalurin verður hildin.

Lýsing
Seinastu tíðindini
Trump
Firmport ósakliga viðgjørt í kanning a…
Ikki við valdi og ikki við kraft, men vi…
Betri tíð til barnið
Eg flenni í andglettinum
Heilsu-og sjúkrarøktin á dagsskrá!
Politiskt hugnakvøld í Jaqson fríggjakvø…
Skert KÍ-lið á Eiði sunnudagin
Trivnaður – Tey við serligum tørvi, hava…
21 nýggj starvs­fólk byrja á Varðanum Pel…
Gøtan løgd
Reglan um “hands” kemur í gildi komandi…
Fysiskt kring landið, mentalt í Havn
Tilmeldingardagur hjá Stjørnuni
Hittust fyrstu ferð týskvøldið eftir sp…
Norðlýsið og løgtingsvalið
Avreiða á Eiði í dag
MEST yvirtekur nýggja havrannsók­nar­skipi…
Bústaðarviðurskifti
KÍ hevur átta stig færri enn B36 í næsta…