Lýsing
Lýsing

Bátarnir frá Summarfestivalinum sigla heim

SKRIVAÐ: Dávur Winther. Myndir: Dávur Winther  |  11.08.2019 - 17:42 Mentan Myndarøð Tíðindi

Í morgun kl. 11 fóru teir fyrstu bátarnir avstað aftur, sum høvdu ligið við snotiligu bátabryggjurnar í Klaksvík.

Sólin stakk eisini snútan fram og heilsaði bátunum góða ferð, tó at tað var eitt passaligt høgættarlot, tá ið teir fóru.

Øll lótu tey væl at umstøðunum og bryggjuni annars. Tey vóru serliga fegin um suðurlendska veðurlagið, vit høvdu hósdagin og fríggjadagin, tá ið alt bátaøkið var at líkna við bryggjurnar í Monaco.

Tað hevur rættiliga vundið uppá seg við stórum og snotiligum stuttleikabátum, og visti ein at siga, at í fjør komu ein stuttleikabátur um vikuna. Tí verður helst umráðandi enn betur at kunna fylgja við kring havnalagið, tí hesir bátar fara helst at krevja meir, sum frá líður.

Vanliga, tá ið skip og bátar leggja frá landi, er talan um at halda skil á og loysa endar. Men í morgun vóru nógvar borimaskinur frammi, fyri at avriggað tær landgongir og trygdarskipanir við m.a. neti, sum gjørdar vóru til bátarnar, áðrenn bátarnir kundu loysa.

Við heilsan um góða ferð, takkaðu bátarnir fyri hesa ferð – eisini fyri ein frálíkan Summarfestival, og gleddu seg longu til næsta Summarfestival. Tó verður Føroya Sjómannadagur komandi vikuskiftið, so onkur valdi at bíða til tá, við at fara heim aftur.

Heimi við stóra pall var alt longu avriggað, og var tað sum í sanginum: “Har summargrøna velta var, bert slokkastrúgvar spjaddir” – og bert nakrar fáar likkur flugu uppiyvir, tí einki var eftir.

 

Lýsing
Seinastu tíðindini
Teir rokast á útróðri
Fuglakanningarstøðin hevur brúk fyri hjá…
Åbent brev vedr. Workshop på Fuglefjord…
Bjartalíð inni og Danielsen úti
Spilloljuverkið letur ikki aftur í fyrst…
Video: Fyritøkur­nar hava gjørt tað gott…
Tilnevn Ársins Leiðarar 2020
Takk fyri tíðina, Atli!
Sølan til Russlands - frá byrjan til í d…
Talið á roykjarum met lágt, meðan mangla…
Mjølnir vunnu toppdystin
Við guitara og sangi í Spania­stovu
Jóannes K. Danielsen fær møguleikan
Toppdystur í Klaksvík í dag
Jóla­trø­ini í kommununi - 2019
Skoytubreytin tekur skap
Advents- og Jóla­konsert í Christianskirk…
Mjølnir vunnu á SÍ
Høgættin kemur aftur
Bankar byggja brýr, tí byggja teir land