Lýsing
Lýsing
Tað grør um gangandi fót
Nu er rættiliga farið at grógva við nýskipaða økið kring Faktorshúsini, har standmyndin av Elinborg Lützen skal standa. Sum kunnugt búði hon eitt skiftið í Faktorshúsunum, haðani hon eisini er ættað.
Tað er Karl Heri Joensen, sum stendur fyri arbeiðinum at gera økið byggibúgvið við parkeringsøki ovast, steinsettum gøtum, lágum ljóssteyrum, bonk-øki, blomsturbedum sett við bøllugróti og so økið, har sjálv standmyndin, sum Hans Pauli Olsen, myndahøggari ger, skal standa.
Gunnleiv Joensen ger graviarbeiðið og TTS ger el-arbeiðið. So alt í alt verður hetta enn ein vøkur lítil gróðursett lund við Elinborg Lützen, listakvinnu lítandi norðuryvir – á góðum gomlum gøtum.
Eftir ætlan skal standmyndin verður avdúkað 26. september 2019.
Seinastu tíðindini