Kastaðu nót á Borðoyarvík í dag
Tað munnu helst vera eini 40 ár síðani, at kastað var við nót á Borðoyarvík seinast.
Hugskotið kom í morgun. Undirritaði og Hjatur Poulsen tosaðu í morgun um at stuttligt hevði verið at roynt eitt nótakast aftur. Veðrið var av tí allar besta og báðir vóru til dystin fúsir, so avgjørt varð at royna.
Hjaltur hevði bæði bát, gørn og fólk. Fyri at fáa nakrar hjálparar afturat at toga í línuna, varð lýst í Norðlýsinum og væl bar til.
Ongin seiðanót var, so tað blivu fýra sildagørn knýtt saman og brúkt sum nót. Væl gekst at seta út, men tað vísti seg at vit vóru ikki nóg kendir við botnin, so tá "posin" skuldi takast inn, bleiv fast í botn og nótin skrædnaði.
Ætlanin var at fiskur, sum kom í skuldi brúkast á Sjómannadegnum til framsýningina av livandi fiskum, men har bleiv einki burturúr, einir fimm fiskar.