Samstundis verða blomsturbedini eisini sett við plantum, so her byrjar rættiliga at fríðka um.

Ovast í lendinum verður nú bilhúsið tikið burtur og eitt størri parkeringspláss gjørt í staðin til eini 5 bilar.

Fram við vøkru gøtuni eru lá parkljós sett, og ein prýðiligur bonkur verður eisini settur miðskeiðis í lendinum.

Um miðjan september kemur sjálv standmyndin og við henni Hans Pauli Olsen, listamaður, sum skal seta hana upp.

Hátíðarhald verður 24. september, tann dagin Norðoya Sparikassi fyllir 100 ár.

Tað er KHJ Nýgerð við Karl Hera Joensen, sum stendur fyri arbeiðinum at gera økið byggibúgvið til endamálið. Gunnleiv Joensen ger graviarbeiðið og TTS ger el-arbeiðið. Vakurt ger gróðursetingina í blómubedunum.

Hetta verður ein vøkur lítil gróðursett lund við Elinborg Lützen, listakvinnu lítandi norðuryvir – Fyrsta standmynd av navngivnari kvinnu í Føroyum.