Heri Vang, skipari á Norðsøka sigur, at nú prísurin á hýsuni er so vánaligur, hava teir roynt við snellu síðani íslandstúrarnir vóru at enda. Norðsøki gjørdi tríggjar túrar undir íslandi í summar  og fekk ávikavist 78, 65, og 70.000 pund teir tríggjar túrarnar.

Síðani hava vit gjørt tveir túrar við snellu undir Føroyum, teir góvu 4.300 pund og 3.000 pund. Vit ivast í løtuni í hvørja veiðu vit fara á komandi dagarnar. Um eg skal siga tað sum tað er, so havi eg bestan hugin at fara á snelluveiðu aftur, men veðurmenninir boðað frá vindi komandi dagarnar, so vit eru eitt sindur yvasamir. Línuspælið er komið umborð aftur, so vit kunnu altíð fara við línu, og skjótt er at avmontera snellurnar, so vit fáa at síggja hvat tað blívur til.

Higartil í ár hevur Norðsøki fiska fyri umleið 4,8 milliónur.