Lýsing
Lýsing

Mentanardagar í Fuglafirði

SKRIVAÐ: Dávur Winther. Myndir: Dávur Winther  |  07.09.2019 - 17:39 Mentan Myndarøð Tíðindi

Við drúgvari skrá frá hósdegnum og til og við í morgin, sunnudagin eru mentanardagar í Fuglafirði.

Í allar fagrasta veðri lá Martin hjá Bakkafrost og reinsaði nótir úti á Pállinum, meðan hópin av fyritøkum og fólk annars riggðau til stórt morgunmatarborð við Mentanarhúsið í Fuglafirði í dag.

Ein stórur partur av skránni í dag fór við kassabilakoyringnini, sum var skipað ógvuliga profesionelt við innleiðandi kapping og síðani at finna ein vinnara. Men tó hevði hugflogið, páparnir, abbarnir og skulpararnir ein stóran tídning og fingu eisini heiðursmerki.

Vinnarin frá í fjør, sum nógv álit varð sett til, breyt aksilin ávegis til startmálið, men tað var skjótt, at eitt sveisiapparat varð funnið og aksilin afturgjørdur.

Dómarar og frásøgufólk vóru Hansina Olsen og Jákup Veyhe, sum ikki gjørdu upplivingina keðiligari.

Tað var nógv gott og lesliligt at fáa frá mongu búðunum frammanfyri Mentanarhúsið. Laksur, grillaður, stoyktur ella royktur, royktur makrelur, fiskasuppur, rulli- og kjøtpylsa av Trøllanesi, turrurfiskur frá Høvdavirkinum í Lorvík og mikið annað stóð á skrá.

Paraplygøtan er altíð hugnalig, har serliga barnatiltøkum á skrá, Ribarhús hevði sín sjálvsagda lut á slíkum døgum, har ein áhugaverd framsýning av verkum eftir Poul Horsdal, varð sett upp.

Í Ribarhúsi varð eisini boðið til ”Ommukaffi við Abbakøkum” – og sjálvandi stóð fitta og fyrikomandi Oddvør á Lakjuni fyri hesum tiltaki.

Jú, í góðveðrinum í Fuglafirði í dag, fóru maður og kona av húsi. Skráin er áhugaverd, drúgv og long, og kann síggjast á www.mh.fo

 

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin