Upptakt: KÍ-TB
Í dag skal KÍ royna at vinna sín 3. sigur á rað.
Mótstøðuliðið hjá KÍ er TB, sum er einasta liðið í botn 5, sum KÍ hevur tapt ímóti í ár. KÍ hevur eisini vunnið sín størsta sigur í ár móti TB, so tað er ikki so lætt at rokna út, tá hesi bæði liðini møtast.
Hjá KÍ eru flest allir leikarar tøkir av teimum, ið hava spælt seinastu tíðina. Simen Sandmæl fór út í hálvleikinum seinast, men er heilt frískur nú. Deni Pavlovic er eisini tøkur eftir at hava havt leikbann í seks dystir. Tó er ivasamt, um Semir Hadzibulic verður tøkur vegna skaða eins og ivamál er um Meinhardt P. Joensen og Steinbjørn Olsen, ið ikki hava vant saman við hinum í vikuni. Hjá TB er stóri spenningurin, um Ken Fagerberg verður tøkur. Hann hevur verið nógv skaðaplágaður síðstu tíðina og spældi ikki seinast.
Dysturin í Klaksvík byrjar kl. 16.45 og dómari verður Petur Reinert.