GLOYMDUR - bókaframløga í Klaksvík
Fríggjakvøldið 20. septembur kl. 20.15 verður forkunnug bókaframløga í Spinnarínum.
Bókin, ið verður løgd fram, er skaldsøgan GLOYMDUR, ið er fyrsta útgávan hjá journalistinum, Solby A. Christiansdóttir.
Ein maður liggur til at doyggja á landssjúkrahúsinum, tí eitt mistak er hent. Men hví er tað komið so langt? Og hvør hevur ábyrgdina? Samstundis er politisk kapprenning um, hvussu Føroya Sjúkrahúsverk skal skipast í hæddini.
Bókin byggir á veruligar hendingar - um deyðasjúka mannin og sjúkrahúsverkið.
Skráin verður hendan:
Hans Andrias Jacobsen spælir tvey til trý løg.
Uni Holm Johannesen prátar við rithøvundin, Solby A. Christiansdóttir.
Eftir framløguna verður okkurt gott til góma og háls sjálvandi at fáa eins og rithøvundurin skrivar í bókina, ið verður til sølu fyri serprís hetta kvøldið.