Tað gekk javnt á í dystinum millum Stjørnuna og StÍF í kvøld, men strandakvinnur høvdu munin og vunnu 25-23

Dysturin var merktur av, at hetta var fyrsti dysturin í hesum kappingarárinum. Tað blivu gjørd nógv mistøk, serliga var tað heimaliðið, sum hevði trupult við at fáa spælið at hanga saman, og tær misnýttu eisini fleiri upplagdar málmøguleikar.

StÍF hevur fingið tilgongd av einum japanskum leikara. Hon er sera skjót og kvik á beinunum, og var ein støðug hóttar móti stjørnuverjuni.

Endaliga úrslitið gjørdist 25-23 til StÍF, eftir at tær høvdu verið á odda 13-10 í hálvleikinum.