Gott fótbóltsveður í dag
Í dag er tað luft allan vegin úr Grikkalandi, sum rekur hendaveg. Hon er kølnað úr 20-22 stigum á Balkanhálvoynni niður í 10-12 stig, tá ið hon hevur ferðast norðureftir, tvørtur um alt meginlandið í Evropa og so til endans um Norðsjógvin, áðrenn hon merkist her hjá okkum.
Heita luftrákið úr suðurlondum yvir Føroyum fær frið fyri teirri køldu luftini frá Norðpólinum í dag. Tann kalda leypur á ta heitu sunnan fyri Ísland, men regnið frá tí blandinum fer ikki at raka Føroyar fyrr enn seinnapartin í morgin.
So, tá ið dystur er seint seinnapartin í dag inni í Vika ímillum AB og KÍ fer at vera lot ella gul av landsynningi-eystri, undir 5 m/s. Hetta er næstan beint eftir vøllinum frá eystara málinum og niðan í Havnadal. Vindurin fer neyvan at ávirka dystin.
Tað verður skýggjað, men klárt niðri við vøllin – t.e. ikki sama toka sum á Tórsvølli í gjár, tá ið mestsum einki sást onkra løtu.
Hitin fer at liggja um 11-12 stig.
Góðan dyst og koyr á KÍ!!