Lars Olsen stendur á odda í fýra dystum afturat fyri føroyska A-landsliðið. Meðan trýst er á liðnum fyri at vinna móti Malta týsdagin, so er ikki nakað nevnivert trýst á til dystin móti Rumenia, tí Rumenia er stórfavorittur ein slíkan dyst. Men skulu vit fáa eitt stórt úrslit afturat undir Lars Olsen, so skal tað helst vera í dag, tí helst vera útidystirnir móti Noreg og Svøríki enn truplari, serliga um tey hava eins nógv at spæla fyri sum í løtuni.

Hjá norðoyingum verður spennandi at síggja, um framgongdin hjá Jóannes Bjartalíð fer at halda fram soleiðis, at hann kann býta seg fastan á liðið. Samstundis er tað týdningarmikið fyri KÍ, at hann kemur ígjøgnum hesar dystirnar uttan skaða, tí ein FM-finala bíðar um tvær vikur.

Landsdysturin millum Føroyar-Rumenia byrjar á Tórsvølli kl. 17.00.