Kvøldseta um seyð og seyðahald
Aftur í ár verður kvøldseta í Mentanarhúsinum í Fuglafirði um seyð og seyðahald. Hetta hava verið góðar løtur, har sagt hevur verið frá um hagapartar í Eysturoynni, Norðoyggjum, Streymoynni og Sandoynni. Hetta er ein frumgróður í okkara gomlu mentan.
Kvøldsetan verður í Mentanarhúsið í Fuglafirði fríggjakvøldið 25. okt. kl. 19.
Hugaligt hevur verið at lurta eftir frásagnunum, hvussu væl tær hava verið orðaðar og bornar fram á ein siðsøguligan hátt. Tað er hugtakandi at síggja myndatilfarið, ið sýnt verður upp á skýggjan, meðan sagt verður frá. Ja, dugnalig hava hesi fólk verið í teirra verumát í orð og talu, myndafrásagnum og lagliga orðalagði, ið eru í tilknýti til staðarnøvn, rakstur og fjallgongur. Ein stak góð uppliving fyri eygað og oyrað.
Í steðginum verður ein te- og kaffimuður við drýli og kjøtpylsu afturvið. Hetta er biti, ið kræssar stak væl úr Heygabúðini í Klaksvík.
Teir, sum siga frá:
Ingvard Lamhauge, Saltangará
Søgan um Gøtuseyð - Staðarnøvn og røkurnar - møguliga verður onkur søgan søgd um hesa gongd.
Tey ymisku fylgini í Gøtuseyði.
Hvønn týdning hevur tað at halda áseyðatalið?
Hvussu sær seyðaárið út fyri Gøtuseyð?
Jónfinn Thomsen, Sandavágur (ættaður úr Syðrugøtu)
Ein fjalldagur Norðuri í haga
Jón Nónklett, Lamba
Festari á ''Eystursíðuni”, sum hoyrir til Lamba.
Eg tók við í 2016 og røkti sjálvur.
Hagin er 3 merkur,10 gyllin og skipanin er 115 áseyðir.
Ingibjørn Eldevig, Fuglafjørður
Seyðahald, reglugerð - brúksrættur/-brúksskyldur. Frásøgnin byggir á hagalógina - gyrðingarlógina og aðrar lógir, ið fyriskipa seyðahald v.m.