Vit frætta frá fyrireikarunum at hetta verður størsta veitsla nakrantíð hjá KÍ. Seinast vit vistu vóru 539 atgongumerki seld og sum tað sæst á myndunum niðanfyri er talan um eitt sera stórt borðhald. 

Rudolf Joensen verður borðstjóri og tey uppmøttu kunnu gleða seg til alskyns undirhald og eisini trýrættaða matarskrá, sum tey í Gepetto so eyðkent ganda fram. Ein heilur hópur av øðrum forkunnugum er á skrá, men tað má ein so møta upp fyri at skáa. 

Eldsálir rigga báðar hallirnar til í kvøld. Kommunan er sjálvsagt hjálpsom. 

Kvinnurnar hava longu vunnið FM og í kvøld vunnu teir næstbestu hjá KÍ sína deild. Í morgin kunnu vit hála FM norður við og harvið verður øll fótbóltsuppmerksomheitin miðsavnað í Klaksvík.