Lýsing
Lýsing

Mikkjal K. Thomassen: Hetta er hæddarpunktið av longum og hørðum arbeiði

SKRIVAÐ: Jákup Ósá  |  31.10.2019 - 18:22 Ítrottur Tíðindi

Venjarin hjá KÍ var sera fegin eftir FM-finaluna í Tórshavn.

Norðlýsið hitti venjaran hjá KÍ eftir 3-0 sigurin í FM-finaluni móti B36.

- Eg eri øgiliga fegin vegna leikararnar, venjarahópin og allar KÍ-arnar runt um í heiminum, ikki minst teir í Norðoyggjum. Tað hevur staðið nógv á, og fólk hava ynskt tað nógv, kanska so nógv, at tað hevur verið eitt ''haft'' um beinini. Nú glapp tað, og eg haldi, at tað var við manér. Eitt øgiliga flott kappingarár og ein flottur dystur í dag frá leikarunum, segði Mikkjal eftir dystin.

 


Hildu høvdið kalt

Tað stóð nógv uppá spæl í síðsta dystinum, har KÍ skuldi hava minst javnleik fyri at tryggja sær fyrsta meistaraheitið í 20 ár. KÍ hevur verið nær við okkurt annað ár, men í ár hildu leikarar og venjarar høvdið kalt í avgerandi løtunum.

- At vinna er nakað, ið ein venur seg við. Tað er nakað, ið vit hava bygt upp spakuliga, eina vinnaramentan í mátanum vit venja og spæla uppá. Tað kom eisini til sjóndar hendan síðsta dystin, tí tað var eingin fjáltur á. Vit spældu uttan ótta. Vit eru øgiliga sterkir, tá tað skal avgerast, og tað er nakað, sum ein ikki byggir upp eftir einum degi. Tað tekur tíð og krevur tol til at byggja eitt felag upp, ið hevur ligið í einum djúpum aldudali, til at røkka toppin. Tað hevur týdning at halda fast, eisini tá tað stendur á, segði KÍ-venjarin.

 

Hetta var toppurin

Venjarin hjá KÍ staðfestir stóra týdningin av meistaraheitinum.

- Fótbólturin í Klaksvík er ein partur av samleikanum og í so máta hevur tað ein týdning, sum røkkur langt útum vøllin. Hetta er ein av størstu løtunum hjá mær í fótbólti. At sloppið at verið venjari hjá KÍ og so vinna løgmanssteypið, koma víðari í Europa tvey ár á rað og so vinna FM. Vit hava faktisk vunnið alt sum vinnast kann eftirhondini. Hetta meistaraheitið stendur eftir sum eitt hæddarpunkt av eini øgiliga hørðum og longum arbeiði. So hetta er ómetaliga stórt, sigur Mikkjal K. Thomassen.

Lýsing
Seinastu tíðindini
Løgtingsvalið í Klaksvík 1994
Grindin í Árnafirði fekst ikki til merki…
Matstovur bjóða vælkomin
Útleigan av matstovu- og handilshølum vi…
Úrslitið hjá JFK-samtaki­num í 2019 var n…
Símun Poulsen stjóri í Vinnuháskúlanum
Lægsta arbeiðsloysið nakrantíð
Framtíðin hjá Kalsoynni
Grind liggur í Árnafirði
Eitt týðandi vegastrekki er nú lagt undi…
Slupp- og grilltúrur
Kunoyar kommuna raðfestur trivnað
Eitt nýtt bútilboð fyri ung verður staðs…
Borgarafundur um bústaðir savnaði nógv f…
Fleiri nýggj andlit í Dáturáðnum
Fimm systkin studentsprógv á Kambsdali
Rætting: Pál Weihe ikki longur í Conseco
Autismu­felagið nú sjálvstøðugt føroyskt…
Hesum liðum kann KÍ møta í Champions Lea…
Amplexa stóra skuld og stórt undirskot