Lýsing

Kanningararbeiðið av hendingini við Sjoborg og Statfjord A tíðliga í juni 2019 er nú liðugt.

SKRIVAÐ: Jóhann Lützen  |  21.11.2019 - 13:18 Tíðindaskriv Tíðindi

Tað var fríggjanáttina 7. juni 2019 kl. 01:50, at veitingaskipið Sjoborg misti knøttstøðu í samband við lasting og lossing við Statfjord A og bar við eina beinið- og lívbátastøðina á pallinum. Statfjord A var ikki í framleiðslu vegna viðlíkahaldsarbeiði. Á pallinum vóru 276 fólk.

Skipið kláraði við egnari maskinorku at koma leyst frá Statfjord A og sigla út um 500m sonuna. Sjoborg boðaði Statfjord A frá um hendingina og um støðuna umborð á Sjoborg.

Orsaka av at skipið bar við lívbátastøðina á pallinum, var neyðugt at flyta 218 fólk av Statfjord A.

Eingin fekk skaða av hendingini, men ein dekkari umboð á Sjoborg bleiv raktur av eini lastaslangu tá reipið, ið slangan var fest í, slitnaði.

Equinor gjørdi av, at hendingin skuldi kannast. 11. juni 2019 varð ein kanningarbólkur stovnaður við umboðið frá reiðarínum. Kanningararbeiðið, ið nú er liðugt, hevur umfatað kanning umborð á Sjóborg, savning og gjøgnumgongd av viðkomandi tilfari, so sum myndir, samrøður, data, tekniskar kanningar og útrokningar.

Kanningin staðfestur eingin frávik hjá reiðaríi ella manning.

Beinleiðis orsøkin til óhappið var, at skipið misti knøttstøðu, og at Sjóborg arbeiddi í luv síðu.

Atvoldin, ið viðførdi miss av knøttstøðu, verður mett útfrá trimum atvoldarsambondum.

1.    Feilur og mangul í EL-luti og feilur á ritbúnaði í teknisku skipanini í høvuðstalvuni. Feilurin hevði við sær, at síðuskrúvurnar framman og høvuðsskrúvurnar aftan, ikki kláraðu at veita meiri enn 0-15 % av orkuni. Hetta viðførdi, at skipið ikki megnaði at halda knøttstøðuna.

 

2.    Skipanin við alarmum var ov ógreið til, at røtt avgerð kundi takast á brúnni og maskinrúminum.

Ein ávísur “hættisligur alarmur” frá stýrisskipanini í høvuðstalvuni var ikki settur til alarmskipanina, og harvið fingu hvørki brúgv ella maskinrúm fráboðan um alarmin.

 

 

3.    Góðskan av sameiningini av teknisku skipanunum frá veitarunum var ikki nøktandi undir bygging.

Síðani levering av Sjoborg í 2012, hava tveir fjaldir manglar verið:

-Týdningarmikil alarmur frá stýrisskipan í høvuðstalvuni varð ikki settur til alarmskipanina.

-Týdningarmikil EL- lutur varð ikki settur til stýrisskipanina í høvuðstalvuni.

Fjaldir manglar vóru ikki funnir, hóast øll galdandi krøv og royndir í samband við skipabygging vóru fylgd og góðkend. Heldur ikki vóru hesir funnir í samband við leypandi árligum eftirliti og kanningum frá góðkendum 3. parti.

 

 

Tiltøk frá Skansi Offshore

-Gjølla kanning av høvuðstalvu

-Fjaldir feilir rættaðir

- Manglandi EL- komponentur settur til stýrisskipan í høvuðstalvu

- Royndarkoyring av allari alarmskipanini og stýrisskipan eftir galdandi krøvum

- Nýggjur ritbúnaður til síðuskrúvur fyri at tryggja at hesar kunnu geva 100% í eini líknandi støðu.

Sjoborg var í vinnu aftur 2. juli 2019.

 

Spurningar og viðmerkingar: Jens Meinhard Rasmussen, stjóri, tlf. 794910.

 

Lýsing
Seinastu tíðindini
Bátatreffið avlýst
Tveir nýggir koronatilburðir eru staðfes…
Rógvi og Rigmor blivu føroyameistarar í…
Heilsan til M.C.
Spøl, felagssangur og framførsla íkvøld
Gott úrslit hjá BankNordik hóast eitt…
Føroyar varðveitir kredittvirðið
Tøkk - Sunvid Asta Højgaard, fødd Hansen
Børnini skulu hava betri karmar – nýggju…
Væleydnaða rørsluátakið hjá ÍSF og Fólka…
Grindir­nar nærkast hvørjari aðrari
Alneyðugt at tryggja atgongd­ina til nátt…
Kinkur komin í um Húsarhaldsskúlan
Løgmansrøðan verður vigað
Bátatreff: Norðlýsið á gøtuni fríggjadag…
Nýtt videobrot um angist
Jonn Johannessen er toppskjútti av U21-l…
KÍ hevur trý stig fleiri enn um somu tíð…
Krút sterka kvinnu­liðið hjá KÍ hevur nú…
KÍ klárt betra liðið á Skála í dag - myn…