Um fólk halda at útlendingar hava allan ræðisrættin og bestemma alt í einum felag, tá lógin sigur at útlendingar bert kunnu eiga ein fjóðring av felagnum og tí einans eiga ein fjóðring av partabrøvunum -
Hvussu kunnu somu fólk so hava álit á um sama lóg verður broytt til, at útlendingar als eingi partabrøv kunnu hava í sama felag og at hetta, ferð at tryggja tað at útlendsku samstarvspartnarar ongan ávirkan hava, á leiðsluna í felagnum og tær avgerðir leiðslan nú einaferð skal taka?

Í USA royndu tey seg við einum totalum rúsdrekkabannið, men tað gjørdi ikki amerikumenn meira edrúðar. Heldur tvørtur ímóti økti hetta um kreativitetin hjá teimum sum vildi hava fatur á rúsdrekka.

Soleiðis er eisini við kapitalinum. Tilfeingisvinnur; fiski- og alivinnan hava brúk fyri kapitali - rættiliga nógvum kapitali og tí er neyðugt at vit ikki leggja forðingar í vegin tí vinna/kreativitetur og kapitalur finna altíð saman. Teimum tørvar hvønn annan.

Tí er alneyðugt at vit í fiskivinnulóggávuni regulera kapitalin, soleiðis at hann arbeiðir til fyrimuns fyri føroyska borgaran í lokalsamfelagnum.

Uppgávan er fyrst og fremst at tryggja gjøgnumskygni, so ymsu partarnir, fiskimenn, flakakvinnur, manningar- og arbeiðarafeløg, landsmyndugleikar og íleggjarar vita hvar tey hava hvønn annan.

At bannað hvønn annan er ikki leiðin fram.

John William Joensen
Prentari