At vit í Klaksvík fara at fáa eina skoytubreytt um nakrar fáar dagar, við Biskupstorg, hevur givið Húsarhaldsskúla Føroya eitt gott hugskot.

Núverandi næmingar á skúlanum  og gamlir næmingar eru stevndir til jólahugna á skúlanum, har endamálið er umframt hugnan, at binda "leyvið" til eitt jólatræ, ið KSS hevur designað til endamálið. 

Jóhanna á Tjaldrafløtti, fyristøðukvinna sigur við Norðlýsið, at ætlanin er at hetta "jólatræið" skal setast upp við skoytunbreytina í Klaksvík tá hendan kemur at virka einafer í komandi viku.

Tá vit vitjaðu í kvøld, var sera nógv virksemi. Næmingar og fyrrverandi næmingar sótu hugagóðir við stokkunum ímeðan Jóhanna, Poulina, Jenny dirigeraðu og samskipaðu arbeiðið.

Kvøldið er gjørt sum eitt hugnakvøld, har øll fáa kaffi og okkurt nýbakað frá skúlanum afturvið. 

Áhugavert verður at síggja hvussu endaliga úrslitið fer at síggja út. Einki er at ivast í, at tað verður eitt rættuliga kreativt handverk, sum kemur burturúr.