Team Klaksvík hevur nú styrkt um hópin við einum nýggjum málverja, sum væntandi verður tøkur um miðjan desember, um alt pappírarbeiði gongur eftir ætlan. Hann er serbi og er byrjaður at venja við. Talan er um 30 ára gamla Strahinja Popovic.

- Hann hevur drúgvar royndir sum málverji. Vit hava havt skaðar á málmansøkinum og halda, at vit mangla ein royndan góðan málverja. Tí hava vit valt at styrkt um hetta plássið, ið vónandi kann gera sítt til, at vit fara at fáa nøkur stig og kanska ordiliga kappast í steypakappingini, sigur Óli á Gravarbø, formaður í Team Klaksvík, við Norðlýsið.

Team Klaksvík liggur aftast í landskappingini við ongum stigi.