Klaksvíkar Býráð hevur skipað fyri einum "popup" sentri á Biskupstorgi í Klaksvík nú jólasølan av álvara byrjar. Klokkan 16 í dag var móttøka, har Jógvan Skorheim borgarstjóri segði nøkur orð, Klaksvíkar Hornorkestur spældi og fyriskiparin, Mimmy Vágsheyg greiddi frá tiltakinum.

Alt í alt má sigast, at Biskupstorg so absolut er eina vitjan verd, har íverksetarar og handlar í Klaksvík, hond í hond hava skapt eitt hugnaligt jólaumhvørvi.

Nú er altíð ilt at gera sær eina meining um allar básarnar, men har var sum sagt nógv áhugavert. Eygað hjá mær fall annars mest á lítlu taskurnar, sum Linda Laksafoss sýndi fram, taskur, ið hon hevur framleitt sjálv.

Annars var mangt, bæði til børn og vaksin og so sanniliga eisini til menn og kvinnur.