Lýsing
Lýsing
Útsýnið av skrivstovuni í morgun. Sólin rísur ikki úr eystri hesa tíðina á árinum. Í dag var tað úr lágum landsynningi. | Mynd: Undirritaði

Gott veður í vikuskiftinum

SKRIVAÐ: Hanus Kjølbro  |  29.11.2019 - 09:18 Tíðindi Veðrið

Tað verður gott veður í vikuskiftinum – tá hugsi eg um lítlan vind og okkurt hissini æl í støðum við regni, vátakava ella kava. Eitt sindur kalt verður tað eisini.

Luftin, sum rekur til Føroya í dag, kemur beinleiðis úr Norðurgrønlandi. Har er hitin eini 30 stig undir frostmarkinum í dag. Men – tíbetur – so ornar hon allan vegin suður til okkara. Hitin í morgun er 2–3 stig.

Tað er bert í dag, at luft kemur so langt norðuri frá.

Í morgin fer ættin at mala eina løtu, áðrenn hon seinnapartin fer eitt sindur niður um vestan. Í annaðkvøld fer ættin upp útnyrðing-vestan, og soleiðis er eisini sunnudagin.

Meira ítøkiligt, so er eini 5 m/s av útnyrðingi-norði í dag. Hitin liggur um 2 til 3 stig. Turt er allasteðs í landinum. Hetta veðrið er allan dag – kanska okkurt lokalt æl.

Í morgin ári fer hann at mala eitt sindur úr ymsum ættum, men út á seinnapartin er útsynningur-vestan; í annaðkvøld útnyrðingur-vestan. Lítil vindur allan dagin í morgin – undir 5 m/s, men um kvøldið eitt sindur meiri. Hitin í morgin líka sum í dag ella eitt lítið vet hægri.

Sunnudagin fer hann at liggja úr útnyrðingi-vestri, 5 til 10 m/s. Okkurt æl á morgni, men eftir turt fyri tað mesta – undantikið okkurt æl í støðum. Hitini sunnudagin fer at liggja um 3 til 5 stig.

Um næstu viku kann stutt sigast, at ættin fer at liggja ímillum útsynning og vestan næstan alla tíðina.  

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin