Eitt sindur av vindi í kvøld
Tað verður eitt sindur av vindi í kvøld. Luft verður send úr einum hátrýsti á evropeiska meginlandinum til eitt lágtrýst mitt í Grønlandsfjørðinum.
Hetta er eitt nokkso djúpt lágtrýst, men tað fer ikki at koma nærri okkum. So vit fara at liggja í sama kvadranti í dag og í morgin – t.e. at ættin fer ikki at broytast stórvegis.
Gongdin verður í stuttum hendan, at vindurin fer at veksa spakuliga úr útsynningi fyrrapartin – úr 8 til 12 m/s klokkan 9 upp í 12 til 17 m/s á middegi. Tað er hvassur vindur. Fyri tað mesta turt – okkurt regnæl í støðum.
Seinnapartin broytist vindferðin ikki nógv, men ættin fer niður í sunnan ella vesturhallan sunnan. Framvegis turt fyri tað mesta.
Í kvøld veksur aftur eitt sindur – mesti vindurin verður á midnátt, 18 til 23 m/s. Skrið. Tá fer eisini at regna.
Nakrar tímar eftir midnátt slítur í, ættin fer at støkka í útsynning aftur, og vindurin fer at minka. Klokkan 8 er vindferðin komin niður í 5 til 10 m/s.