Kompressarin fær kalda returvatnið frá “Býarskipanini”, fer inn vekslarin og restvatnið ella avkastið frá kompressaranum er heitt vatn, sum so verður pumpað aftur til at hita “fram-vatnið”, sum fer niðan í Birkupstorg og býin annars.

Talan er um eitt CO2 anlegg, sum ger kuldan til skoytubreitina. Tí eru CO2-varnarar settir upp í kjallararúminum, har kompressarin stendur, sum fara til eina fráboðanarskipan og eisini til eina telefon. Ventilatiónskipanin er gjørd soleiðis, at undirtrýst er í hesum rúminum, sum kompresarin stendur í mun til grannarúmini. Frá rúminum er útsúgvingarskipan.

Kompressarin verður tendraður í næstum og skal koyra í eini tveir-tríggjar dagar, til øll breytin er fryst. Síðani er nýtslan eftir tørvi og spælur vindur, hitalag og regna nakað inn her.

Skoytur í øllum handans støddum heilt frá lítlum upp í nr. 50 eru tøkar – og til tey, sum ikki eru so køn og sikkur á skoytubeinum, ber til at styðja seg við eina “Pingvin”, sum ikki skoytar so lættilga.

Spennandi verður at royna hesa serstøku skipan, sum eftir ætlan skal vera umhvørvisliga og rakstrarliga lagalig. Eftir ætlan letur skoytubreytin upp komandi leygardag 7. desember.