Darius Lewis er blivin A-landsliðsleikari
Frá bonkinum í KÍ til A-landslið.
Darius Lewis var partur av besta hópinum hjá KÍ í 2019. Á besta liðnum spældi hann sambært FaroeSoccer 473 minuttir og skoraði 3 mál. Á vinnandi 1.deildarliðnum var hann toppskjútti hjá KÍ við 14 málum í 14 dystum. Men áðrenn kappingarenda gjørdist greitt, at Darius helt ikki fram í KÍ.
Men Darius hevur ikki hildið frí síðani kappingarenda. Hann hevur fingið ‘’debut’’ fyri A-landsliðið hjá Trinidad og Tobago. Tað hendi 10. november, tá hann kom inn í venjingardysti móti Anguilla. Darius kom inn í 62. minutti og skoraði tvey mál í 15-0 sigrinum hjá Trinidad og Tobago.
Bæði foreldrini hjá Darius eru frá Trinidad og Tobago, og tað er orsøkin til, at hann umboðar hetta landið. Niðanfyri er tíðindafundur eftir dystin, har landsliðsvenjarin hjá Trinidad og Tobago rósar fyrrverandi KÍ-álopsleikaranum.