Petur Knudsen uttan sáttmála
Kanska størsti føroyski profilurin, ið ikki hevur sáttmála fyri 2020 í løtuni, er 21 ára gamli Petur Knudsen úr NSÍ.
Í ár skoraði hann 8 mál og legði upp til 13 mál. Hann var nummar sjey á listanum yvir málstig. Við Norðlýsið sigur Petur, at fleiri feløg hava víst sær áhuga, men at hann ikki hevur tikið støðu enn.
- Um rætta tilboðið kemur uttanlands og eg meti, at tað er nakað fyri meg, so er tað ein møguleiki. Í Føroyum eru tað fleiri feløg, ið hava víst áhuga, men eg havi ikki tikið nakra støðu enn og tað kann vera, at vit skulu til januar mánaða, áðrenn alt er komið endaliga uppá pláss, sigur Petur Knudsen við Norðlýsið. Petur Knudsen hevur vant við NSÍ til vetrarvenjingarnar og tí bendur kanska mest á, at hann heldur fram í NSÍ. Sum skilst eru KÍ, HB og B36 feløgini, sum vísa áhuga fyri at fáa Petur í sín hóp.