Tað var ein góður dagur hjá okkum í dag, sigur Oddmar Niclassen, skipari á Bragd. Vit settu 48 stampar, fyrra boyan fór skamt úr Kósabrúnni, og hagani bleiv sett norður um bygdina í Kunoy og suður aftur. Sera nógv var á eini seks stampum á Pollinum, eini 600 pund á hvørjum av hesum stampunum.

Slagið var gott, toskurin og hýsan væl fyri og vit fingu eini 12 kør av 18 av toski og restin var hýsa, so alt í alt ein sera góður túrur. Rogn var at síggja í toskinum og eisini stór livur.

Frá Norðsøka hava vit eisini frætt, teir vóru sunnanfyri og hava um 9000 pund, tað mesta toskur. Men sigur Heri Vang, har var ótrúliga nógvur slánur ímillum.

Janus Sørensen á Brandi letur eisini væl at fiskiskapinum, Brandur hevði um 9.500 pund í dag, eini 6.000 pund av toski. Um hvørjum standi fiskurin er í, sigur Janus at tað er tað sama sum áðrenn jól, slánar ímillum, bæði á toskinum og hýsuni.

Dalsenni hevur fiska 6.000 pund í dag og Stakkavík 7.000 pund mest toskur, Anrdu Poulsen á Stakkavík sigur, at fiskurin kundi verið í betri standi, serstakliga toskurin. Men tó, vit eru byrjaðir at síggja livrar og rogn í toskinum