Gunnar Hjelm, varaleiðari á ambulansutænastuni, bjóðar seg fram til formanssessin. Hitt valevnið er Súni Selfoss, sum hevur verið formaður í Starvsmannafelagnum seinastu 4 árini. Freistin at bjóða seg fram sum formansvalevni var úti á midnátt í gjárkvøldi.

Gunnar Hjelm er 55 ára gamal og býr í Havn. Hann er varaleiðari á ambulansutænastuni á Landssjúkrahúsinum og hevur fyrr verið álitismaður og felags álitismaður í Danmark.

Súni Selfoss er eisini 55 ára ára gamal og býr í Sørvági. Hann hevur verið í nevndini í Starvsmannafelagnum síðani 2000, tey seinastu 4 árini sum formaður. Súni Selfoss hevur starvast sum útvapsteknikari og savnsvørður í Kringvarpi Føroya.

Tað skulu eisini veljast tveir nevndarlimir á aðalfundinum 7. mars. Freistin at stilla upp til nevndarvalið er 1. februar.