Sambart FMF, so avreiðir Stakkavík 13.600 pund í dag, Bragd 12.100 pund, Norðsøki 11.100 pund, Gjógvarenni 2.700 pund, Líðhamar 13.400, Brandur 10.500.

Norðsøki segði okkum, at meginparturin hjá teimum var hýsa. Brandur hinvegin segði frá at umleið 9.000 pund av veiðuni í dag var toskur. Í gjár hevði Brandur 12.000 pund harav 7.500 pund vóru toskur. Janus Sørensen á Brandi segði víðari, at fiskurin er hampuliga fyri og at onkur rogn síggjast, men ikki nógv. Møguliga er toskurin ov rak til at hava rogn, helt hann. Hinar bátarnar hava vit ikki tosa við í dag.