Lýsing
Lýsing
Tað kom fram á løgtingsfundinum í dag at Landsverk eftir øllum at døma hevur disponerað við umleið 100 mió. krónum uttan heimild | Mynd: lv.fo

Er ongin virðing fyri pengum í Havn?

SKRIVAÐ: Jóhann Lützen  |  23.01.2020 - 14:05 Leiðarin Politikkur Vinna

Tær tykjast ongan enda at fáa, byggigølurnar í Tórshavn. Glasir kemur eftir øllum at døma upp um tær 800 milliónirnar, og longu áðrenn tað er staðfest liðugt at kosta, er ein nýggj útreiðsluveitsla byrjað á Landssjúkrahúsinum, ið fer upp um aðrar 800 milliónir. Og ætlanin er ikki at steðga har. Tórshavnar Kommuna krevur bæði meira av landinum og ætlar sjálv at brúka omanfyri milliardina óneyðuga.

Enn eru vit ikki vís í, hvat Glasir endaliga fer at kosta. Í fyribilsupphæddini uppá 777 milliónir, íroknað kravið til TG-verk, eru ikki innroknaðar útreiðslur til orkuskipanina, ventilatiónsskipanina og tað sum skal til, fyri at bygningurin kann fáa endaligt nýtsluloyvi. Nýtsluloyvið er bert fyribils, sum er. So onki bendir á, at endaligi kostnaðurin verður lægri enn átta hundrað milliónir, helst meira.

Nú kemur so verklagslógin fyri liðugtgerð av Landssjúkrahúsinum. At síggja til hevur arbeiðið higartil verið stak óprofessionelt. Eitt nú varð ikki lagt upp fyri, at H-bygningurin skuldi bindast í restina av sjúkrahúsinum. Her mugu vit bara spyrja: Hvat høvdu menn hugsað? At H-bygningurin skuldi vera ein leys eind? Ein optimistisk meting sigur, at kostnaðurin verður 805,3 milliónir, men tað byggir á at 5,6 milliónir verða afturførdar í 2022. Fíggjarnevndarlimir siga seg ikki vænta, at hetta veruliga fer at halda, men  at bygningurin verður dýrari.

Á Vaglinum livir Tórshavnar býráð í einum alternativum veruleika. Hóast hesar ørligu upphæddirnar brúktar í býnum krevja kommunustýrislimir, at landið skal geva býnum ein eyka Heilsuskúla, eitt tjóðleikhús og eitt barnaheim, umframt at tey sjálvi hava forroknað seg við minst 100 mió. eyka til eina havnarútbygging á opnum havi, og ætla at gera eina brennistøð fyri 500 mió. sjálvi, bert fyri ikki at skula brúka meir upplagdar havnir aðrastaðni ella hava eina skilagóða, felags brennistøð fyri alt landið. Vit kunnu bara staðfesta, at á Vaglinum “liva allir føroyingar í aðrari verð”.

 

Lýsing
Seinastu tíðindini
Húsaprísir­nir kunnu økjast enn meira
Við Mjølnir-bussi til steypafinalurnar
Olaf Olsen segði frá í Betesda
Vinnulívs­ráðið netverksfund á Hotel Klak…
Stórt ungdóms­tiltak í Svimji­høllini
Núpur gjørt góðan túr eftir hýsu
Arktis í Miðhøll­ini á Skúlatrøð
Sjúkra­húsverk Føroya
Kvikk landar seinnapartin
Polarhav og Stjørnan góðan túr
Kári P. Højgaard í Smæruni
Betesda Torrakafé
Tøkk - Finnur Sigurðsson
Armgarð: Takk fyri hjálpina
Klaksvíkar Badminton­felag í serflokki
Myndarøð: Vinnutingið
Myndarøð: Fiski­vinnu­tingið
Hesir vóru við í Eystur­grønlandi
Nýggjur Gadus í 2022
Tað gongur strúkandi hjá útróðrinum