Undirhaldandi dystur endaði við sigri til Kyndil
Dysturin í steypakappingini millum Stjørnuna og Kyndil í kvøld, gjørdist rættiliga undirhaldandi og spennandi. Stjørnan fekk ein flúgvandi byrjan, tá leiktir vóru 17 minuttir, var støðan 10-5 til Stjørnuni, og hevði Stjørnan leiðsluna allan fyrra hálvleik. Seinastu minuttirnar fekk Kyndil minkað um munin, soleiðis at hálvleiksstøðan varð 14-12 til Stjørnuna.
Kyndil byrjaði betur í seinna hálvleiki, og fekk við tveimum skjótum málum javnað til 14-14. Síðani gekk javnt á til hálvleikurin var hálvrunnin, tá tók Kyndil leiðsluna, men Stjørnan var væl við. Tá leiktir vóru 27 minuttir av seinna hálvleiki, var støðan 24-26 til Kyndil, men so kom stígur í hjá Stjørnuni, og seinastu tríggjar minuttirnar skoraði Kyndil fýra mál, meðan Stjørnan onki mál fekk. Endaliga úrslitið gjørdist sostatt 30-24 til Kyndil.
Við tapinum hevur Stjørnan ikki møguleikar at koma víðari í steypakappingini