Vit vóru á einum máli um, at tað er sunt og gott fyri likam, sál og anda at ganga og at føroyska náttúran er fantastisk til tað. Semja var um ikki at seta dato og stað fyri túrarnar fyri alt árið, men at leggja teir eftir veðrinum og ættini. Tí fara túrar at blíva lýstir á facbook-síðuni, Norðoya Gongufelag, við stuttum skoðbrái. Einkultir longri túrar fara tó helst at blíva lýstir í góðari tíð t.d vóna vit at fáa ein góðan Norðoyastevnutúr. 
Norðoya Gongufelag er eitt áhugafelag uttan limagjald, og ØLL eru vælkomin við og ynskir um túrar. eru vælkomin.  

Ì2019 vóru vit 17 túrar. Vit byrjaðu og endaðu ári í fjøllunum. Fyrsti túrurin var longu nýggjársmorgun, tá nøkur fjallafólk fóru niðan á Miðfjall, og síðsti var ein túrur niðan á Kjøl gamlaárskvøld.  Vit hava gingið nógv lokalt, men eisini verið í Vágunum við Pól Sundskarð og í Kalbak. Vit royna at gera fjølbroyttar túrar og hava gingið summar og vetur og morgun og kvøld. 
Tað er neyðugt at ganga. Serliga í hesum døgum, sum júst eru farnir afturum, har feitt og sukur herjar á kroppin sum ódnarveður og kolesterol og vekt fer í topp. Tað var heldur ikki av ongum, at kendi danski heimsspekingurin Søren Kierkegaard hámetti gongutúrarnar. Hann metti teir vera besta heilivágin. Hann kundi ganga seg frá øllum tungum tonkum og trupulleikum í lívinum,og hann hevði gingið seg til sínar bestu tankar. Hann kundi ikki vera túrarnar fyriuttan og ávaraði beinleiðis ímóti at missa hugin at ganga.  
Norðoya Gongufelag takkar øllum fyri túrarnar í 2019 og vónandi fáa vit nakrar góðar túrar eisini í 2020. Felagið er ein áhugabólkur og gonguáhugaði fólk eru vælkomin at taka stig til túrar, taka ábyrgd, lýsa og skipa fyri túrum á FBsíðuni.  
Vit í gongubólkinum fyri Norðoya Gongufelag eru: PólJ, Anna, Eydna, Kamala, Gunnvør, John, Amanda og Hanus. Við ynskjum um eitt gott ár í 2019. Komið øll við !