VÍF hevði munin
Hóast VÍF vann við 5 málum, tá samanum kom, so var munurin ikki stórur á liðunum, tá kvinnurnar hjá Stjørnuni og VÍF leiktu í KÍ-høllini i dag.
Tað gekk javnt á allan fyrra hálvleik, tó var tað VÍF sum hevði munin. Tá farið var til hálvleiks, var støðan 13-10 til VÍF.
Tá 14 minuttir vóru leiktir av seinna hálvleiki, var javnleikur 14-14, men VÍF svaraði skjótt aftur, og tá seinni hálvleikur av hálvrunnin, var støðan 18-15 til VÍF. Síðani skiftust liðini um at skora, men seinastu løtuna staðfesti VÍF sigurin við nøkrum skjótum mótálopum, soleiðis at endaliga úrslitið gjørdist 25-20 til VÍF.
Fyri Stjørnuna var tað dyggur smeitur, at Tóra Elisasen beint fyri hálvleik mátti av vøllinum vegna skaða í alboganum, hm kom ikki innaftur. Mina Sirdal Hendriksen og málverjin Raluca Nagy vóru ikki við, so stjørnuliðið var mannað við sera ungum leikarum, og tær stóðu heilt væl. Eins og í nógvum av undanfarnu dystunum vóru tað mongu mistøkini og brend brotskost sum kostaðu Stjørnuni dýrt.
Á liðnum hjá VÍF var stóur saknur í Agnas Olsen, sum meiddi sær fótin í steypafinaluni móti H71 seinasta vikuskifti.
Málini hjá Stjørnuni skutu: Sonja L. Sirdal 5, Jancy Jacobsen 4, Tóra Eliasen 3, Tóra Norðá og Miriam Bethuelsdóttir 2, og Óluva Joensen og Maria Biskopstø hvør sítt