Lýsing
Lítið og eingin vindur í morgin, men eitt sindur kalt. Sunnudagin høgætt allan dagin og sera kalt. | Mynd: Vár Hanusardóttir Kjølbro

Veðrið í vikuskiftinum

SKRIVAÐ: Hanus Kjølbro  |  13.03.2020 - 17:45 Tíðindi Veðrið

Køld luft rekur ímóti Føroyum av suðuri í dag. Luftin kemur av leiðunum við Norðpólin, sum fyrst er farin niður í Norðsjógvin, áðrenn hon kemur til okkara úr suðuri. Eitt lágtrýst við Ísland dregur luftina til sín.

Meiri vindur er ímillum Ísland og Føroyar. Vestanfyri er minni vindur.

Hetta sæst eisini á vindmátarum kring landið. Mesti vindur er í Mykinesi. Har er miðalvindurin í løtuni um 20 m/s; á Kirkju eru 9 m/s. Ættin tann sama kring alt landið, beinur sunnan. Turt er allasteðs.

Seinnapartin og í kvøld fer vindurin at veksa eitt sindur. Seint í kvøld fer miðalvindurin kring alt landið at vera 15 til 20 m/s. Nakað fyri midnátt fer eitt brúgvalag at koma vestanífrá. Tað fer at regna ella at kava nakrar tímar báðumegin midnátt.

Í nátt slítur í, og vindurin fer at minka. Í morgin ári eru 5 m/s ella minni úr útsynningi og turt. Á middegi fer ættin at krúpa seg úr útsynningi upp í norðan. Seint seinnapartin og annaðkvøld fer ættin eystur um norðan til landnyrðing-norðan, vindurin fer at veksa upp í 10 til 15 m/s.

Turt allan morgindagin, og hitin fer at liggja um frostmarkið – í støðum eitt 1 ella 2 stig niðan fyri frostmarkið, aðrasteðs upp í 3 stig oman fyri frostmarkið.

Sunnudagin fer ættin at vera beinur norðan og ælaveður við regni ella kava. Vindferðin fer at minka sunnumorgunin. Á middegi eru 8 til 12 m/s; sunnukvøldið er minni vindur aftur – um 3 til 8 m/s.

Seinnapartin sunnudagin er turt. Hitin (!) sunnudagin fer hitin at liggja úr frostmarkinum og nøkur stig niðurum – onkrastaðni minus 5 stig.

Gott vikuskifti.

Lýsing
Seinastu tíðindini
Teir kavaðu niður á Reynsmúla í dag
FILMUR: Til Kjøpinhavn við Viðoy í 1945
Hygg her: Saman í tryggari frástøðu
Frægari upsafiski­skapur enn árini framma…
Bjarga Svínoynni við minni enn 2 km tunn…
Nýggjur koronatáttur í kvøld
64 føroyingar frískir í alt
155 føroyingar fingið staðfest smittuna
Veiðifelagið Byrsumúli 40 ár
Ein hjartalig tøkk frá okkum báðum
Altíð nógvur fuglur á Vágni
Norðhús byggir meira á Norðoyri
Tiltøkini í Almanna­verki­num, fyri at mi…
Svartkjafta­kanningar­nar útsettar
Núpur landar á Kósini í dag
Skorheim: Skipini eru vælkomin
Frískt lot í dag
Betri Banki: Enn ein av tryggastu bankun…
54 føroyingar frískir í alt
144 føroyingar fingið staðfest smittuna