Lýsing
Lýsing
Skýggini koma niður ímóti fjallatoppunum í Føroyum í dag. Æl við regni ella kava eru í erva í dag. 3 stig eru á muni ímillum hitan og døggpunktið. Luftin kann tí lyftast eini 3-400 metrar, áðrenn tætting og eitt sindur afturat tí, áðrenn avfall.
|
Mynd: Vørn (www.vedrid.fo)
Vesturætt í dag
Eitt hátrýst hevur lagt seg yvir havið sunnan fyri Ísland. Tað forðar lágtrýstum at koma nær Føroyum.
Tað hevur ligið har í nakrar dagar. Einki lágtrýst er komið nær okkum við vindi og/ella regni ella kava í nakrar dagar. Tað ganga einir tveir dagar afturat, áðrenn vit merkja veðrið kring eitt lágtrýst beinleiðis.
Í morgun hevur vindferðin verið lítil – um 7-9 m/s – úr vestri ella høgari vesturætt. Soleiðis fer at vera seinnapartin eisini. Í kvøld veksur vindurin eitt sindur – upp í 10 til 15 m/s.
Einki brúgvalag er við at nærkast okkum enn. Tí er fyri tað mesta turt. Tó kann okkurt regn- ella kavaæl vera í støðum, har sum luftin verður tvungin upp um fjøll.
Í aðrar mátar er skýggjað og hitin sum um 6 – 7 stig.
Seinastu tíðindini