Broytingar í almennu byggisamtyktini fyri Klaksvíkar Kommunu
Við heimild í løgtingslóg nr. 13 frá 21. mai 1954 um býarskipanir og byggisamtyktir, seinast broytt við løgtingslóg nr. 19 frá 18. mars 2013, verða við hesum uppskot til broytingar í Almennu Byggisamtyktini fyri Klaksvíkar Kommunu framlagdar til alment eftirlit.
Mál nr. 20/00048:
Økispartur A1 á Norðoyri
Verandi økisáseting fyri minsta mark grundøki, sum er “300 m2 fyri vanlig sethús og 200 m2 fyri samanbygd hús” verður broytt til “300 m2 fyri vanlig sethús og 150 m2 fyri samanbygd hús og íbúðir”,
Mál nr. 19/00481:
Økispartur B14 í Ánunum
Økismarkið í sunnasta parti av B14 verður flutt nakað út í sjóøki, samstundis sum ásetingin fyri allan økispartin verður tillagað.
Mál nr. 20/00058:
Nýtt grønt økið, D41
Nýggja D-økið, strekkir seg frá býlinginum millum Hjalla og oman á Skáltavegin. Somuleiðis verður almenn parkering skipa á útlagt økið. Áleið 7000m2 av A18 (Blandað íbúðar- og vinnuendamál) verður broytt til D41 (Grønt øki).
Broytingarnar liggja frammi til alment eftirlit í Miðlan frá 17.04.2020 til 08.05.2020 og eru somuleiðis at síggja á heimasíðu kommununnar: www.klaksvik.fo.
Møgulig mótmæli (kæruvegleiðing) ella broytingaruppskot skulu verða Klaksvíkar Kommunu í hendi í seinasta lagi 29.05.2020.
Klaksvík 17.04.2020
Klaksvíkar Býráð