Lýsing
Lýsing
Næstu tvær vikurnar verður skiftandi veður. Eitt sindur av vindi onkran dagin, men eisini dagar við lítlum vindi. Tað sama er við avfalli - nakrir dagar við regni og nakrir turrir dagar.
|
Mynd: Hilda Sjúrðardóttir
Skiftandi veður
Nakrir dagar eru gingnir, síðan høgættin slepti takinum. Nakað væl lýggjari luft hevur rikið ímóti Føroyum síðan týskvøldið.
Saman við lýggjari lágætt er tíðum meiri vindur og avfall – óstøðugari veður.
Í gjár var av allarfagrasta veðri kring alt landið; í dag er eitt sindur av vindi, slavið og tjúkt at hyggja út. Onkrasteðs regnar.
Hyggjandi eftir mátingum av lufthavinum og veðurkortum teir næstu 14 dagarnar sæst, at ættin fer at liggja av eystri í dag og í morgin. Í annaðkvøld og sunnunátt og -morgun fer hann upp í norðan og útnyrðing-norðan. Á middegi sunnudagin er ættin komin niðuraftur í útsynning, og umleið har verður ættin liggjandi í 1 ella 2 vikur – tó onkur lítil løta undantikin.
Seinastu tíðindini