KÍ fær í dag møguleikan at minka um munin upp til B36 og/ella HB í spennandi oddastríðnum í Betri Deildini hjá monnum.

KÍ hevur vunnið tríggjar dystir á rað, men trupulleikin fyri teir bláu er, at tað eru trý onnur lið, ið hava fingið betri byrjan uppá kappingina. Tey bæði liðini við fullum stigatali møtast og tí fær KÍ møguleikan at minka um munin til annað ella bæði liðini, ið eru B36 og HB. Mótstøðuliðið hjá KÍ er AB, ið fleiri ferðir hevur argað KÍ, seinast á Norðoyastevnu í fjør, tá KÍ var aftanfyri 1-0, tá klokkan segði 90 minuttir.

Hjá AB hevur royndi Rógvi Poulsen sitið uttanfyri síðstu dystirnar. Hjá KÍ eru sum skilst allir mans tøkir av teimum, ið hava spælt í ár.

Dysturin á Argjum byrjar kl. 19.00 og dómari verður Dagfinn Forná.