Símun Absalonsen er uppvaksin í grannalagnum við skúlan, har hann hevði virðing fyri tí, sum fyri fórst í skúlanum og var autoritetstrúgvur fyri teirri yvirvøld, ið har ráddi. Símun hevur í øllum lutum havt eyguni við sær og hevur dugað væl at siti undir. Tí er hann eisini framúr frásøgumaður og dugir, at seta tað skemtiligu sjóneykuna fyri, har tað hóskar.

Hann plagar at taka til, at tað vóru tveir høvdingar, sum ráddu í skúlanum. Annar var skúlastjórin og hin var Jóhann Húshamar, sum við myndugleika ráddi í skúlagarðinum um kvøldarnar, tá ið teir eldru menninir spældu “krokk”.

Símun man heilt vist hava okkurt áhugavert at bera fram um ungdómsdagar í Klaksvík og hvussu hann hugsar sær framtíðina.
Solby og Símun eru tveir persónar, sum hava orðið í sínum veldi og verður áhugavert at hoyra tey hugleiða úr heimligum jørðildi.

Eftir Símun verður eitt “syngið við tiltak”, sum Hallur Joensen saman við øðrum skipar fyri – har tú eisini sleppur at syngja við umvegis sjónvarpsskíggjan.

Sí alla skránna her.