23 ára gamli miðvallarleikarin spælir tveir dystir afturat, móti Skála og Víkingi. Sáttmálin gongur út 30. juni og portal.fo skrivar í dag, at samstarvið endar 30. juni. Tað verður upplýst í greinini, at sáttmálin kundi leingjast, men at tað so skuldi geva meining fyri báðar partar. Tað ger tað ikki í hesum føri. Sambært in.fo, so verður Heini Vatnsdal úr Fremad Amager mest sannlíkt tann, sum kemur ístaðin.

Alessio Hyseni hevur verið óstøðugur í sínum avrikum í KÍ. Nú hann fer avstað, so eru bara tveir leikarar í hópinum av teimum fimm, sum komu til felagið í vetur. Tað eru Odmar Færø og Ole Erik Midtskogen. Sebastian Avanzini og Alessio Hyseni eru givnir ella gevast, meðan Abubakar Ibrahim Aliyu ikki er komin til landið enn vegna trupulleikar við loyvunum.