Magnus Tausen afturvaldur til formann
Á ársaðalfundinum hjá Flogbóltssambandi Føroya leygardagin var Magnus Tausen einmælt valdur til formann næstu tvey árini
Leygardagin kl. 13 savnaðist flogbóltsfamiljan á Hotel Føroyum til afturvendandi ársaðalfundinum hjá flogbóltssambandinum.
Fundurin gekk væl. Sjey av teimum átta virknu flogbóltsfeløgunum møttu á fundi og kjakast var óført um ymisk mál.
Magnus Tausen formaður stóð fyri vali, og fundurin valdi hann einmælt aftur til formann næstu tvey árini. Christian Nagata og Rúna Hentze tóku ikki við afturvali og tey fingu hóskandi viðurkenning fyri teirra stóra íkast til flogbóltin.
Kappingarreglurnar skulu endurskoðast og tískil verður kallað inn til eykaaðalfund í næstum. Nevndin heitti samstundis á fundin at finna uppskot til limir at koma uppí nevndina hjá flogbóltssambandinum.