Lýsing
Havbúgvin landar við Vestaru Bryggju í Havn.

Fleiri ungir línumenn við Havbúgvanum

SKRIVAÐ: Føroya Fiskimannafelag  |  06.07.2020 - 04:08 Tíðindaskriv Vinna

Føroya elsta línuskip, Havbúgvin VA 710 (fyrrverandi Núpur, Jógvan S) landaði fríggjamorgunin 3. juli til Barðið á Vestaru Bryggju í Havn. Túrurin á ĺslandsrygginum var einki at reypa av hesuferð, og ávegis heim varð roynt hálva aðra setu norð-vestan fyri Mykines, men fiskaríið var heldur smáligt — teir avreiddu 300 kassar av toski, svartkalva og longu.

Sum skilst vóru aðrir bátar eisini á Rygginum og drógu svart. Hinvegin var talan um roktúr um somu tíð í fjør.

Vanliga telur manningin á Havbúgvanum 14-15 íroknað yvirmenn; hendan túrin vóru teir bara 13, harav níggju dekkarar. Bert fýra meira tilkomnir menn eru við, restin er ungdómar, onkrir heilt niður í 15-16 ára aldur.

Havbúgvin lá eitt skifti fyri fólk, fram til tíðliga í fjør, tá Árni Zachariassen tók við sum skipari.

Umboð fyri Føroya Fiskimannafelag tosaði við nakrar av manningini meðan teir landaðu fríggjamorgunin, og sum skilst verður farið avstað aftur mánadagin. Vit ynskja teimum góðan túr.

Teir eldru fegnaðust sum vera man um at tað yngra ættarliðið er farið at vísa línulívinum størri áhuga. “Hetta er so hugaligt,” sum ein teirra tók til.

Havbúgvin hevur heimstað í Sandavági og varð bygdur á Søviknes Skipsbyggeri í Noreg í 1959. Eigari er partafelagið Fossá, og útgerðarmaður er Hálvdan Gudmundsen.

Lýsing
Seinastu tíðindini
Húsarhalds­skúlin: Alt væl
Bátatreffið avlýst
Tveir nýggir koronatilburðir eru staðfes…
Rógvi og Rigmor blivu føroyameistarar í…
Heilsan til M.C.
Spøl, felagssangur og framførsla íkvøld
Gott úrslit hjá BankNordik hóast eitt…
Føroyar varðveitir kredittvirðið
Tøkk - Sunvid Asta Højgaard, fødd Hansen
Børnini skulu hava betri karmar – nýggju…
Væleydnaða rørsluátakið hjá ÍSF og Fólka…
Grindir­nar nærkast hvørjari aðrari
Alneyðugt at tryggja atgongd­ina til nátt…
Kinkur komin í um Húsarhaldsskúlan
Løgmansrøðan verður vigað
Bátatreff: Norðlýsið á gøtuni fríggjadag…
Nýtt videobrot um angist
Jonn Johannessen er toppskjútti av U21-l…
KÍ hevur trý stig fleiri enn um somu tíð…
Krút sterka kvinnu­liðið hjá KÍ hevur nú…