Lýsing
Lýsing

Heilsumálaráðið lýgur

SKRIVAÐ: Árni Dahl  |  10.07.2020 - 12:08 Lesarabrøv Politikkur

9. juli 2020 hevur Heilsumálaráðið lagt út eitt tíðindaskriv við eini yvirskift, sum ber ósannindi:

“Ókeypis kanningarskipan heldur fram”

Lygnin verður endurtikin tríggjar ferðir:

“Kanningarskipanin er ókeypis...”

“Í fyrstu atløgu vóru kanningarnar ókeypis til og við 10. juli.”

“Nú verður ókeypis kanningarskipanin longd til at fevna um allan juli-mánað.”

Fleiri miðlar hava endurtikið lygnina sama dag – eisini kringvarpið á heimasíðu síni í gjár kl. 18.56.

Í einum landi við rættartrygd hevði tað verið eitt álvarsmál, um eitt stjórnarráð bar tjóðini ósannindi á almennum pøllum.

So tykist ikki at vera í Føroyum í 2020.

Tí sannleikin er, at nevndu kanningar eru ikki ókeypis.

Tvørturímóti kosta tær føroysku skattaborgarunum fleiri milliónir – eisini um tað er ein sannroynd, at fleiri av teimum kannaðu ikki gjalda skatt í Føroyum.

Tað er eisini ein sannroynd, at ein løgtingsmeiriluti hevur lóggivið peningin, sum goldin verður fyri hesar kanningar, niður í lumman á tveimum privatum fyritøkum.

Fyri felagsskapin er henda samgongan millum Fólkaflokkin, Sambandsflokkin og Miðflokkin ein vanlukka.

Fyrst hevur hon ókeypis lutað út øll fiskivinnurættindi til nakrar fáar føroyskar fyritøkur. Í fleiri teirra fáa útlendskir bakmenn bróðurpartin.

Nú hevur hon givið tveimum privatfyritøkum okkara spýtt, slím ella snor - at ríka seg upp av.

Fyri miðlarnar átti hetta at verið eitt álvarsmál.

 

Árni Dahl

 

 

 

 

 

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…