- Hepnið fylgir vinnarunum
Magnus Norðberg, venjari hjá KRF, greiðir frá, hvussu hepnir vinnararnir á Fípuni Føgru vóru í gjár.
Fípan Fagra vann róðurin hjá 5 mannaførum við dreingjum í gjár. Og tað gjørdi, at Fípan Fagra framvegis hevur møguleikan at vinna FM, tí hetta var aðru ferð í ár, at Fípan vinnur. Men tað kundi lættliga verið so óheppið, at Fípan Fagra hevði mist allar FM møguleikar í gjár. Tí í startinum eftir at startdómarin hevði skotið róðurin í gongd, so brotnaði ein ár hjá einum av rógvarunum á Fípuni Føgru. Og hóast vit hava einaferð sæð Nevið Reyða (2016) verið nær við at vunnið við einum manni færri vegna brotna ár, so hevði tað mest sannlíkt merkt, at Fípan Fagra hevði endað væl aftanfyri teir fremstu. Og tá kappingin við Heyk er so mikið hørð, har Heykur undan róðrinum í gjár var trý stig frammanfyri, so hevði FM helst verið farið. Men tað hepna hendi fyri Fípuna Føgru, at Teistin hekk fastur.
- Árin brotnaði í fyrra startinum og til alla lukku fyri Fípuna Føgru, so hekk Teistin fastur. Eydnan fylgir veruliga vinnarunum, sigur Magnus Norðberg, venjari hjá KRF, við einum smíli til Norðlýsið.
Mannagongdin í kappróðri er, at tað verður skotið av, um ein bátur hongur fastur, men tað verður ikki skotið av, um ein rógvari brýtur eina ár. Leggjast kann afturat, at árin sum Fípan Fagra lænti, var frá vinnarabátinum erlu Kongsdóttir úr Fuglafirði.
Støðan í FM-kappingini er undan tveimum teimum síðstu stevnunum hendan:
1. Heykur 33 stig
2. Fípan Fagra 31 stig
2. Sævarmoy 24 stig
Myndir: KRF og Jan Herman Hansen/RSF