Vistfrøðiligar rabarbur undir Fossum
Fríðin Ziskason og unnustan hava selt rabarbur uttan fyri heimið hjá sær í eina tíð og tey eru ovfarin av góðu undurtøkuni
Seinastu tíðina hava vit hoyrt um at til ber at keypa føroyskan mat í sølubúðunum við bátabrúgvarnar. Alt frá vælangandi kjøtpylsum, rótum og súltutoy við meira.
Men undir Fossum ber eisini til keypa føroyskt. Har fáast buntir av rabarbum fyri einans 100 krónur stykki. Á facebook vanganum hjá Fríðin Ziskason byrjaðu uppsløg við rabarbusalgi at hómast fyri tíð síðani.
Vit byrjaðu at selja fyrst í mai og undirtøkan hevur verið somikið góð, at vit hava bara hildið fram við at selja. Marknaðarføringin gongur fyri seg inni á facebook, har vit leggja út, at nú ber til at keypa sær eitt buntið av nýupptiknum rabarbum, sigur Fríðin Ziskason
Vit hava sett eitt borð upp uttanfyri, har fólk bara koma og fáa sær. Vit standa sjálvandi ikki við borðið, so fólk koyra pengarnar í postkassan, tað riggar fínt, upplýsir Fríðin.
So um tú mungar eftir rabarbugreyti, rabarbusaft ella rabarbusúltutoy, so er bara at koyra framvið undir Fossum 54.