Norðsøki á Kósina í morgun undan Íslandi
Hetta er annar túrurin, sum Norðsøki ger í ár á íslandsmiðunum. Heri Vang, skipari sigur, at tað hevur gingið væl eisini hendan túrin, vit hava eini 65-70.000 pund í lastini, góð 20.000 pund av toski. Annars hevur gingið væl, gott fólk, elsti maður 35 ár og yngsti maður 23 ár, so tá man hevur so gott fólk, so ber alt til, sigur Heri skemtandi.
Vit høvdu eitt sindur keðiligt veður á vegnum yvir og ein bakkdag har yviri, síðani hevur alt gingið sum eftir ánni, heimreisan fór fram í besta summarveðri.
Tá eg spyrjið um hvussu sær út fremeftir, sigur Heri Vang, at hann roknar við fyrst at fara við snellu undir Føroyum, tað havi eg ongantíð roynt áður, so spennandi verður sjálvandi at royna tað, kanska mest eftir longu. Men vit fáa at síggja hvussu leikur fer.